Berfin Jêle ağ günlüğü

Şiir

Berfin Jêle kullanıcısının resmi

gundu ra rezeno, yeno
honde tarıxê insoni khano
vengê hazar kemanu de
arzu u umıd, esq u sewda
beno ğeyal saninowe
se rae keno to ver, foteşina
ge ki pinıten u virkotene u dıma hêştıro.
 
Şiir....
jê vaê Usariyo
sat u deqa cı rê çino
sevkano
şindor tede nêkeno
beno laşêr
bendu saneno xo ver
ge ki jê pakaê asmêni ğaiso.
 
Şiir....
derd u khulo
niseno zerri u pıske ra vêsneno
xapino, qanqola serê aweo
tersoneko, mırozıno
vengo de sasbiyaiyo

Prometheus* Johann W. GOETHE

Berfin Jêle kullanıcısının resmi

Eve hewrunê xuyê şiau ra
Domono ke gopıkê teliyu qırfneno, jê dey
Kay bıke, gılê darê mojênun u kou ra
Hama nêşikina pêskarê dina mı be
Ne gomeo ke to mı rê nêvırasto
Ne ki lozına mına ke nêwazena dü kero.
 
Sıma Haqê ke na hard u asmêni seroê
Nêzon ke hondê sıma nêçari estê
Eve qemçurê qırvani...
Helmê mınete ra benê weyiye
Biyaena sımawa bımbareke zar u zor pay ra 
Budelaê ke sıma ra gırêdaiyê
Domon u parskerdoği ke nêbiyêne
Sıma rewra biyêne vind, şiyêne.
 
Ez ke domon bine

Waxtê de

Berfin Jêle kullanıcısının resmi

sanê omnon bi
ma sero asmên
jê sıniya şêmıne bereqiyêne
asme be astaru ra verdênê têdıma
serva ma domonu gulase guretênê
taniya vırara dêkunê xo de
sanıku de.....
Hesê Bırri, Alık u Fatıke
ma rê biyêne eskera
pia şiyênê a dına, amênê na dina.
 
Sodırane ke biyêne
verê her boni de
jê gırpa, gırpa sazu
vengê reukunê doy bi
raywan biyênê meymani
cı rê doê serdın
hêmgen u ron u thoraqo teze
haleta domonu
çhancolik u henê kemere
der u cırano khulelık 

Vana

Berfin Jêle kullanıcısının resmi

roz vêcino....
tirijia tiji mı sero kêmi nêbena
teyna çımê mı....
çımunê to de şêvq vineno
xo ser jü çiçega narina
pakaê to keş ra çino.
 
Vana; tı ke qeseykena
na dina bena ê mı
a sene zerretenıkia 
çekuyunê to ra
hêmgen rêzeno
zerria mına bele de
taxt nana ro....
tı vana, omnono. 
 
Vana; tı ke nusnena
qusır barkeno sono
qıseweta ....
hardê dewreşi çina
asmên pakao
omıdi rewıyinê
may huyinê
domoni kayderê
tı vana, sırrê na dina

Çêneka qızkeke

Berfin Jêle kullanıcısının resmi

her ca boax ke
rengê mosımênia to tey bo
sewe de astaru
roze de tijia jê xo
dezu rê çare
qomu rê haştiye rew resm ke
çıke....
hewru ra puxur onciyo, sıliye nêvorena
zuqaki thıp u tholi qe jü phıjiye çina
hazaru ra reng u vengi biyê vindi
xıravınia zalımu zerre de pısqiya
xaritau de hurendia insonê rındi çina.
Çêneka qızkeke.....
tıvariya mı to rê esta
bêçarên coru azlanê insonu nia
bêşerm u bêhaya
bêri u bênamusu
dina xuya rındeke ra
eve gılê fırçê xo thonde, tever ke.
 

De Welat

Berfin Jêle kullanıcısının resmi

xeylê waxto to sero vınden
dest u paê mı gırêdaiyê
çıqa ke to ra dürine....
to heşin pê, lal u kherr niyune
zerria xo ke to rê rakerine
ne malê mıno, ne mılkê mı
ne ki to ra qeyr kesê mı.
 
Sodırane.....
tiji ke gılê koê Mazgerdi sero zereq da
to sero kamci cano ke amo dina
mınetunê dêkunê ma de
eve vicdano pak u zerre ra

ALÊ QARŞİ

Berfin Jêle kullanıcısının resmi

Rozunê nianenu ra jü rozê, domonê maê harri rae kerda xo ver ke dewunê Dêrsım ra bıfeteliyê. Xêylê ke şiyê muğurbe ke koto dê, dewa ke cı ra nêjdia, cı rê biyê meymani. Sıma ki zonenê pizê thol ra qeseykerdene nêbena, vırende mulxıtê çêyi ra pia samia xo wenê, dıma ki dore yeno politika.
 

RSS - Berfin Jêle ağ günlüğü beslemesine abone olun.