Sən qəlbimin hərarəti, atəşi,
Səndən gözəl ola bilməz dünyada.
Gözəlliyin utandırar günəşi,
Səndən gözəl ola bilməz dünyada.
Bu məqamı gözləmisən xeyli sən,
Vurulmusan, sən də mənə meylisən.
Divanəyəm, Məcnun mənəm, Leyli sən,
Səndən gözəl ola bilməz dünyada.
Bir xəstədir, sənsən şəfa Elnura,
Əbəs yerə vermə cəfa Elnura.
Sevgidə sən göstər vəfa Elnura,
Səndən gözəl ola bilməz dünyada.
Şimal, cənub - vətən birdir.
Birləşsə, tən və tən birdir.
Uzaq, ayrı yaşayıblar
Çox illəri Bakı-Təbriz.
Qəlblərində daşıyıblar
Nisgilləri Bakı-Təbriz.
Kaş Gülüstan dağılaydı.
Həmin sənəd cırılaydı.
Bölənlərin qırılaydı
Nəsilləri, Bakı-Təbriz.
Sərhəd olub Araz çayı.
Vətən olub qəm sarayı.
Sərt görüblər qışı, yayı,
Fəsilləri Bakı-Təbriz.
Qadağandır dili, yazı.
Cinayətdir bu ən azı.
Saya bilməz çox narazı
Səfilləri Bakı-Təbriz.
Ağla, bulud, ağla. Yoxsa sənin də
Gözlərin quruyub, yaşın qurtarıb?
Daşla, fələk, məni. Nə dayanmısan?
Yoxsa daş atmaqdan daşın qurtarıb?
Sevgi də, nifrət də qəlbdə bəslənir,
İnsan fərdilənir, insan kəslənir.
Atamın dilində tez-tez səslənir:
“Ölən ölüb gedib, başın qurtarıb”.
Gözlərim yaşlıdı, ağlardı indi,
Qəlbim yaralıdı, dağlardı indi,
Elnur, darıxma heç, bahardı indi,
Boranlı, çovğunlu qışın qurtarıb.
Ruha qida verir, ruha güc verir
Əşarı Xəlilin, şeri Xəlilin.
Ölsə də, o yalnız cismən ölübdür,
Ruhusa dönübdür geri Xəlilin.
Onun əşarıyla boy atmışıq biz,
İlhamlanıb yazıb-yaratmışıq biz,
Ürəkdə heykəlin ucaltmışıq biz,
Qəlblərdə yaşayan diri Xəlilin.
Çoxları satıldı, yalançı oldu,
Onunsa həqiqət qazancı oldu.
Azadlıq ən böyük inancı oldu,
Azadlıq ocağı, piri Xəlilin.
Onu çox sıxsa da, zindan həyatı,
Sınmadı şerinin qolu, qanadı.
İşıqlı günlərə ümid bağladı,
Kədərə qərq edib Azərbaycanı
Ağlatdı vəfatı Məmməd Arazın.
Nə qədər dünya var yaşayacaqdır,
Bitsə də, həyatı Məmməd Arazın.
Fırçatək yaratdı min rəng qələmi.
Mizrabtək yaratdı ahəng qələmi.
Həqiqət uğrunda tüfəng qələmi,
Söz oldu sursatı Məmməd Arazın.
İti qələmiylə söz kəsarəti
Qaldırdı ayağa xalqı, milləti.
Fəxri təltiflər yox, xalq məhəbbəti
Oldu mükafatı Məmməd Arazın.
Bütün aləm nura boyanıb durur,
Yatmış gözəl hislər oyanıb durur,
Bezdiribdir bu şəhərin
Sayacağım nöqsanları.
Bezdiribdir bu şəhərin
Dəyişilmiş insanları.
Bezdiribdir bu şəhərin
Məzhəbləri, inancları.
Bezdiribdir bu şəhərin
Küylü maşın tıxacları.
Bezdiribdir bu şəhərin
Hündür bina yığınları.
Bezdiribdir bu şəhərin
Mitinqləri, qırğınları.
Bezdiribdir bu şəhərin
Get-gəl salan məmurları.
Bezdiribdir bu şəhərin
Rüşvət alan məmurları.
Bezdiribdir bu şəhərin
Dilinə xor baxanları.
Bezdiribdir bu şəhərin
İşığa kor baxanları.
Əylənmək xətrinə araya qoyub
Varlılar çaldılar çəpik kasıba.
Üzünə söydülər, təhqir etdilər,
Varlılar vurdular təpik kasıba.
Qara çörək yedi lavaş yerinə.
Hər gün şorba içdi bozbaş yerinə.
Zəhmətlə işlədi, maaş yerinə
Minnətlə verdilər qəpik kasıba.
Bir qız sevdi. Nə qız? Güllər butası.
Amma bu sevginin çıxdı xətası.
Elçiləri qovdu qızın atası,
Sevgisi olmadı şərik kasıba.
Dostu da olmadı kasıbdır deyə,
Kasıbla dost olmaq ayıbdır deyə,
Evimizdən uzaq, qərib şəhərdə
Nə yaxşı var imiş dostlarım mənim.
Dostluğa qəlblərin verib şəhərdə,
Dostluğa and içmiş dostlarım mənim.
Universitetin yaxınlığında
Həmişəki yerə yığışdıq yenə.
Piyada gəzərək “Sahil” bağında
Olub-keçənlərdən danışdıq yenə.
Dostlarım narahat sordular məndən:
- Qorxmusan ki? Ağzın uçuqlayıbdır!
Dedim ki, dostlarım, bu olub dünən,
Qorxu məni yaman pis haqlayıbdır.
Qız tanışlığımı bilirdi onlar,
Təsadüfən olub bu iş, hadisə.
Qar yağıb bircə-bircə
Göylərdən səpələnib.
Qar yağıb dünən gecə
Hər yanda təpələnib.
Soyuqdur. Qışdır artıq.
Beləcə açdı səhər.
Baxırlar yazıq-yazıq
Uzaqdan boz sərçələr.
Məzarlıq qapısından
İçəri keçib qoca.
Qəbirlər arasından
İrəli gedib qoca.
Bir qəbrə gəlib yaxın
Başladı hey öpməyə.
Başladı xısın-xısın
Uşaqtək hönkürməyə.
Qocanın qəm-qüssəsi
Çevrilib yaşa döndü.
Göz yaşı - nəm qüssəsi
Üzündə daşa döndü.
Ağ rəngi sevmirəm rənglər içində,
Çünki ağ rəng qorxu, təslim rəngidir.
Başların üstünü xəbərsiz alan
Əzrail rəngidir, ölüm rəngidir.
Ağ rəngi sevmirəm rənglər içində,
Çünki mən sevmirəm təslim olmağı.
Həyat mübarizə, mübariz insan
Bacarır güc alıb yorulmamağı.
Ağ rəngi sevmirəm rənglər içində,
Çünki mən sevirəm mübarizəni.
Mübariz olmayan diriykən ölü,
Mübariz olmayan həyat düşməni.
