YÜKSEK DAĞLARIN ARASINDA YOL GİTMEZ KERVAN GEÇMEZ, DERİN BİR DERE KENARINDA BİR BAHAR
AYINDA, CANLANAN CÜMLE HAYATLAR GİBİ BERRAK BİR GÜNEŞ VE GÖKYÜZÜ
ALTINDA YAŞAYAN ZAZA HALKINDAN KÜÇÜK BİR KÖY.
KAM ZONENO çon hazar sero qe ma sere nê hord de fetelim. ebe zone xo jubinde Qeskem,
jubinde lâQo kem, jubinde dâm pêro, yem were, beme haşt, jubinde bem kewra, bem xınami,
zewecim bem çe, domane ma bene, çene qo lace qo kem gırs, eqe pırnqa xo gônbô xo şaşkem
nê zonem qe se bikim.hona qe vêrê ma xoderê cırê derguşo vırazem, cıre şıngılo vrazem
derguşe de darde kem. ma xo ebe tıftıqa bızo cıre puço vrazena, kınco derzena, cire
kulqo vrazena. daya pile çıme xo hemu çi serdebi, zofigi vêfqo serde bi, hemu çi
musnêne vêfqo. eqe vefgi bi dıgani tım çıme xo yino serobi. hedare cı vındetênê qe
kar kenê xo medacne. eqe dıgani bi çıto kar bıkere, çıtô rônişe, urzêra xo medacne,
dômane xo ver meşero. eqe da pile çinbi, vefqo, najnânê xora,ma xora pers kerdêne,
yê amênê musnêne cı.
devro verende ma pero pâ kom bim, jubinde pâ dewlige xo vetene.
pêro pâ kare xo kerdênê, male xo çıraynêne, Qayte dômanone xo bine.
cênâ pile, daye câcim i nêne rô, balişne nênê rô vıraştene,, musnene çeno, vefqo.
sıftera çıtô nane rô, kamci neQış çıtO nane rô, pêrine hurdi hurdi musnênê cı.
daya pile a dımaqi maye amêne, dewlige çeyi çarnenê ra. dêqe, dayê pila çeyi bi.
qalqê ma yino dıma amêne, camêrdonê ma kare teber kerdêne, mal nağır çıraynêne, kôli
bırnênê, ontêne.
rötene, hêrnayine kerdêne, şine suqo çi ardênê, haceti vraştêne törzeni, zengei, huraqi
dım kerdenê. şine bırra dıme haceto bırnene ardêne.herg kerdêne, hegay ramıtê ne, ê be
tırpane, ê be vaştürö cenöra pâ vaşi çintêne. hegayi çintênê, ê bê orebê kawo ontênê
ardênê cûn çarnênê, vaydênê sımer kerdÊnÊ mereqe, genım berdênê şütÊnê kêrdênê uşk
berdênê areyi kêrdênê ardi, dosnênê çualo ardênê kerdênê zere. karê xo zof bi, usari
heta zımıstani kar ne Qedine.
caw qe orebê nekewtêne cı ê be hermo, ê be poştira ontêne. cômerdê dewe pero pâ vayi
vetêne, hegay owe dêne. ê be zengeno, huyo,rayi vıraştêne.
hergi kerdêne,hêgay ramıtêne. zengene xo, törzene xo berdene suqe de vıraştê ne,
hengazâ xo berdêne suqêde vraştêne.
karê xo zof bi, ê qe vore uştera usar ame kar vecine. dörme hegora, ye bostanora çeperi
vaştêne.newede dari nênê de, malrê gewi vraştêne, bızêqo rê, voreqo rê, guqorê kôz
vraştê ne.cıta xo, orebe gawo, kılamone kawo,Qayişe orebi kerdene Qaim.
ê qe bi usari,karê cênô qi bine zof, mal zene, mangê zene, guqi, bzeqi, voreqi verdene
lewtaine, mal dıtêne, mangê dıtêne.
rôbar kêrdêne, ê qe usar ame, cênô lê nêne rô, cıle xo pêro şutêne, pırçe döşegi şûtêne,
döşeqi, balişnê ser nêwêde vraştênê. astıre xo, cılê xo ontêne verba tici fistêne ra.
ê qe bi usari dômanon ê gırsore qi kar vecine, Qayte guqo, bzeqo, voreqo bine. çene qo ma
xode kar ka rdêne. laceqo pi xode kar kerdêne, şine mali, şine naxıri, hem kay kêrdêne
hem kar kêrdê ne. dômanê Qıci ê qe uştira hôna ara xo nêwerda vozdêne teber, bine kôm
kay kêrdêne, hin zof kayra hezkêrdêne qe yetür nê kerdêne qe şerê nonê xo bôrê. ê qe
vortê vorê vozdêne teber, bınê wortê de kay kerdêne bine hi, nafa qi serdeçine recefine,
ê qe tici bi ya kınce xo sero bine uşk.
bıray xo, wa xo, ma xo kewtênêra dıma, venga cı dênê ardêne zerê. zımıstani kewtene wertê
wore kaykerdêne, serdê çine, ê ge kewti zêre destê lıngê xo jon dêne, hin dêcene, jon
dene qe dâmiş nê bine hêbetora berbêne.
na vatênede qalê xêce bikim, xece cênqa de cenca, hire dômanê xo estê,dı çêneqi ju lacêqê
xo, hona derguşe dero. xece domanê xo guretê berdê verê bostani bostân vırazena. çêne qe
xo hem tey karkênê hem Qaytê lacêq bênê hemıqi kay kênê. lacê vıstêwre xece Qereman ame
lewe yino, çenonê xêce de kay keno. nıqa tene bâm xovir hala dômano çıtô jûbinde kay
kerdêne, çı Qes kêrdêne, pilo çıto Qesê kêrdênê.
KAYKERDENA,qESKERDANA DOMANO
Qereman-Qero. guleeee!, bezeeee!, siseeee!, çaQeeee!.
gule-sise.nero çıqo onca çı zırçena, lacek sie de hewn dero esinoğo heşbe.
Qereman-Qero. sise dik'e şıma kotüw mevrde danumıro.
gule.ison coro dikra terseno
beze-çaQe.wuiy tı dikra tersena? ne tı çıto cômerda
Qereman-Qero.ne ne! fıreQet yeno vozdano mıser dano kofka mıro
côqa, ezqe bıveni nêterson.
beze-çaQe.tö herqe ez Qarno ez dik verdonra tö ser.
gule-sise.ee amaçı, madem dikra tersena cayde vınde!.
Qereman-Qero. sise hayde bere kaybıkim.
gule-sise.çı kaykim ? ma tö nediuw ma bostan vırzêm, kar kem,
tı kar ca verdana remena yena kay kena
Qereman-Qero. bêzê be ma zırne kay kim
bêze- çaQe. Qero ma bostan vırzêm, tı tım kay kena, reyiqi kar bıke
Qero. çaQe ma tö usnena tö, kes ne musmeno mı, nace ezik şımade kar bikeri?
xece. dı bê hala tı çıto kar kena, mı qe töra sava hin bıke hêniuw! be na kemere
qe mı dêare bere berze
Qero. nacê mınu beze pâ berim nnê kêmeri gırani, beze be mı kerd cı bê pa beym
xece. na rewtê tıra kerê hurbêna pâ berê, wu hetraqi zılb cıkerê barê qe ma zılb
cıkim
gule. mae seydali esa xo, mêşi nêverdanê lacêk raku, bılemıno Qıcqeq meşo nêverda
qe tı rakuy
xece. gulê bıde mı ez cıcık cidi, lacek biuw veşon, tı na çolo vıraze zılb cıke
hetta ez amo
beze. maye neyde sêrke mı tondano dano waro, ret nevındeno
Qero. nene nace ez von hem kaybıkim hemiqi kar bikim cöqa, mı tey kay kerd, naqi
ama gere kena
xece. qero rındeq kay bıkerê, jubin medacnê, ez beze don tö, rın Qaytê cıbe ha!
Qero. heya nace bıdemı ez tey kay bıkeri
beze- çaQe. maye ez Qer nêcön wu danu mıro, ret nevındeno
Qero. ma çaQe tıki ret nevındena! hemiqi tım gere kena, ez töde kaykon tı mıde
dana pêro
xece. heya dömanene hata şıma bi gırs mırd perodê ucawa tıpa baQılbe
beze. nıqa ez şonde pi xora von Qer da mıro
Qero. çaQe ça zuro kena key mı dâ töro? u qi ape mıno ezik cıra von züro kena
tö qe zür kerdi dano töro
beze. ma tım tı zûro kena kes dano tôro?
Qereman-Qero. ne çaQe ma vanê qe ju heliuw de gırs esto yeno hemu çi
remneno,yeno kergo beno, dômanonê Qıcqeqo bile beno.
beze-çaQe.Qero tö onca züri vayday,wu sene heliw mordemo beno.
gule-sise. ero tı züro erzene, heli kergo beno, lerqo beno.
beze-çaQe. ne ere tı çı zonena, na Qılancıqa qe, hurhuruqo qe lerqo
bero,na lüa qe kergo bero ?
gule-sise.ez ça mezoni? teyna Qılancıqe lergo bena, teyna hurhurık
beno, nıqa qe heli béro lerqo qi beno,Qlancıqe sobınq bena,hurhurık
sobın nêbeno.
Qereman-Qero. ne çênêne şıma çı zonene ? şıma coro heli diuw ? Qılancıqe
çıqa qe, hurhurık çıqo qe, heli zof gırso, eqe perê xo kêrdi ya mara
gırso, pençkone xo dano puro beno, kerqo qi beno, bezeqo qi beno,
pıtqo qi beno, şıma qe nê eşno ê qe ju pıtık derguşera remno
berdo werdo. lüe qi kergo bena ama nêzo dômano bena ya nêbena? ê qe
lüa qe Qıcqeka bıtqo nêbena, ê ge lüaqe gırsa dômano gi bena.
gule-sise. wuş ero Qero Qero onca zûro mêke,sêqe tıqi hemu çi zonena,tô kôti
heli di,tö koti lüe di, lüa Qıce, lüa gırse esta ? belqa tı vergra
vana lüa gırse, ma qe teyna bim vergi maqi bene, a roce vergi bızeqê ma berd
tô Qe nê eşna?.
Qereman-Qero. heya sise ere mı kerdo xovirra,ma kam bezeqo verdebi?
sekerdo? zof terso? mı Qe verg nedi, verg seneno?
beze-çaQE. hı! sebi? ku tö hemu çi zonêne? tı sene camerda? eqe Qale
verg kêrd ça honde tersêna, usen bzêqo verde bi, Qiro baro oncâ qi vergi
bızêk remno berdo
Qereman-Qero.ne ne eqe kutık lewe mıdebo ez vergira neterson, Qe
tâbayra nêterson, ê qe kutık mıde bêro ez şon bızêqo qi çıraynon,
nıqa qe ez biwu gırs wo çağ vergo qi çişon.
gule-sise. dılo dılo, reyqi xo goyneno, ma Qa kutık qe mıde bêro eziq
nê terson, ezıq gırsbi eziq vergo çişon.
xece. gulê Qednay, ez yino nonde tı qi ju sırede bin yade, tene herbi
ma ewro nayne bı Qednim, meşta qi xaro naym de. beze, QEro hala zılb bârê,
tenê herbi ker bi tari, hem kaykere hem bârê.
beze. maye ez Qefeluy, şon lewe seydaide nişon rô
Qero. nace eziq Qefelô, ma lewe seydalide kaybikim, ê qe zılb Qedâ mara
vace ma ocâ aym
xece. heya lacem tı zof çêra, tıqe mebe ez se bon, xer töw, tıbe beze zof kar
kerd êwro, nıqa ma kar bıQednim ez şımarê sir vırazon
Qero. nace raşt vana tı sir pôcena, ez sirra zof hez kon, ez hona zof guryinu,
gule. maye raştâ sir pôcena?
xece. heya çenam! ma kar bıQednim, şim pocim.
beze. maye raştâ pocena?
Qero. çaQe dı bê ma herbi bıgureyim kar bı Qednim qe marê sir poce, ez sir wen,
sir sir sir sir!
gule. ne Qero nö cı çefo, tô qe sir newerdo?
Qero. mı werd! keyto mivir
NÔ DEWRANO ZELAL DE HEMU KES JUBİN NAS KENO, PİLİ QICİ PÊRO XUYA JUBİN ZONÊNÊ.
CENİ qİ, CAMERDİ qİ DOMANORA ZOF HEZ KENE, JUBİNRA ZOF HEZ KENÊ. KARÊ XO GIRANO
ZOF QEFELİNÊ,MALÊ XO NAXIRÊ XO KUNO HEGO NÊ JUBİNİ, BOSTANÊ JUBİN, DANÊ PÊRO,
YENÊ WERE, TAY XEXİ TAY BAQILİ, WERTÊ NA KOWU DE CAY XO TENGİ, HEGAY XO ŞENİqİ,
LACÊ XO ÇENÊ XO JUBİNDE ZEWECİNÊ,PÊRO DEREZAY JUBİNİ, WEREZAY, XINAMİ JU BİNİ,
CÔq qİ HEM DANÊ PêRO HEMİqİ JUBİNRA HEZ KENÊ.
xece. gule! bê nê lacek bere teber bıfetelne. zöre! tene kolô bâ
adır weke ma bıcqe pocim sir vırazim, tene herbi bi tari.
GULE. ça tım zöre töde karkena reyik ez töde kar bikeri
xece. çeneqa mı! rindeqa mı a töra Qıca beşnekena lacek bıfetelno,
hemiqi tı kar zonena a nê zonena aqi bımuso.
Qero. nacê ez kolô an va beze qi adır wekero
bêzÊ. sise ça Qarina? eziq zonon kar bıkeri,ma lacek biuw gıran ez
bınde Qefelino, şite maye werdo biuw honde bezeki.
gule. seydali! bılo be ma şim teber, lerqe psınge de kay bikim,
Qayte kergo bim hala lêrqi çon tene bımorim, lüe qe ame dıma verdim,
hala heli yeno kergo?, tıqe bq gırs sona bızeqo?.
XECE ZERÊ BONİ DE SERBA ŞAMİ SİR POCENA, ÇENA XO GULE QAYTÊ SEYDALİ BENA,
ÇENA XO BÊZÊ TEY KARKENA, ADIR FİNARACI, LACE VISTÊWRE XO KOLİ ARDİ, HETA
ŞON LEWE İNODE Bİ, ZE DOMANONÊ JU ÇêYİ JUBİNRA HEZKÊNÊ.
NA WAXDE MEYMANÊ XO YENÊ, MEYMANİ KEWRAY XOYİ, KEWRAY SEYDALİ, KEWRAY XO
RIZA Ê BÊ CÊNÂ XO SENEM A.
KEWRA. rıza. gule sekena çenê tı çıQay bâ gırs bâ rındek, nêçê nö
seydali çıQay biuw gırs, çıQay biuy rındek, ere hala bıde mı.
KEWRA senem. gulamı rindeqamı sekena,ma tö çedera?
gule. heya çedera bıcqa sir pocena, şıma vınderê ez şon ma xora
mijdani wazonu. maye çıdanamı ez mijdani tödi,
xece. nere çı mijdani dana ku lacek? wiy bao! kewray ame! heQo
xozibe mı,tica roci masero bi ya, çime ma ra şımara mendi,ez zonon
qe ewro meyman yene pırnıka mı hurina,şıma xer ame, zof kewtera miviri,
ca dürüuw ez teynaro beş nekon qe beri,senem tı xer ama çımane mıser
ama.
KEWRA rıza xer Qebulbo köwram, şımaqi zof kewtera ma vir ma damiş
nebâym uştimra ameym, nö kewraymı çıQay biuw rındek biuw Qoce
lacek, heQ keder nêdo dômanenê tö, çê tö.
KEWRA senem. xecam xer Qebulbo tı sekena işalla keder çinuw,
kewray mı mâl dero?
xece. wuy ne senem mı şıma di xo şaş kerdo fâm nêkon qe şıma
Qefeliyay, bere şime oda, hala ronişe tene oresi, Qa germo şıma ça
honıqi de nê amey.
senem. çênê teyna nê zonenê sebıkere, mı tey karê şodiri da are, nê zonene
dö bışane, beş nekene ron vêcê, kar zofo xecam karê çey nê Qêdino.
xece. canê xo wêşbo çênê tö hewli rın musene, heQ wedaro, laceqi seneni
hurbena şone mali?.
senem. heya kewra raşt vana ye mı tenê xo reyno, êndi gırsi karê çeyi
musnoncı vecin şon hega, şon bostan, ez dö şanon yino ruşnon kağ,
emser vaş zofo êqê kağ nê kerd nêbeno, lacêk hurbênâ pâ ruşneym mali,
hem malo hem naxıro ancax.
xece. xozibe tö domano şıma reynê.kewra rıza tı sênêna sêkena wêşa?
dero cirân sênêni? kewray tö teynaro, naxır be mali bray xode kene
nöbeti, dı roci şono mali dı rocik şono naxıri.
rıza. heya waye, çı rın qe ponc bıray, hem kare xo kênê hem şönê male xo.
gulê, sekena tı çıqay ba gırs,ba rendekê, zöre tık zof bâ rındek bâ
gırs, kam qayte nê kewray mı beno çıqay biuw gırs.
zöre. ezik Qayte cıbon, şıte maye zofo cökara herbi beno gırs ez
beşnêkon bıfetelni gırano.
gule. ez qayte cıbon reyqê bıfeteline herqe şi beno gıran.
xece. senem bê, ma bıcqe kerde xo virra meveşo? maşim bon hazırkim,
nıqa waxto mal bêro, bi tari.
XECE BÊ KEWRA XO SENÊM Ê KEWTİ BON qE BICqA SİR LENGERİDÊ HURDİKERÊ
DÖY SİRİ, RÖNÊ SİR VIRAZÊ.
XECE. senem hala be Qayte bıcqe be pocia yo tenêna vındero
SENEM. beso beso rın pocâ, bıdemı ez hurdikeri tıqi dö hazırke,
keywray mıqe ame ma ron rövılöşnim,lengeri kotia hala mıre bâ
ez tey hurdikeri.
XECE. ho töre lengeri, senem ez çon teno sir hurdikeri, şıma çıto
hez kene, baqıl zof sirra hez keno, keyraymı çıto hez keno?.
SENM. ju sore hurdike beso wuqi sirra hezkeno.
GULE. mae mal ame
XECE. çenam tı şo pi xode zereke, ma non hazırkim, owe pi xo destke
dest ri xo buşu bêro kınconê xo bu vurno.
BAqIL. kewra senem tı xer ama, tı key ama qe çıçağ mare sir vırazena?
senem. xer Qebulbo kewra, xore xece kerdo hazır ezik tey xecelinu,
xece. ero şö peyde kıncone xo bu vurne şö lewe kewray,kewra rıza zerede
teyna mend
senem. ma teyna mendo wu qi bêro lewê ma kam nêverdo?, ça teynaro kewray
xo haw lêwede tey kay bıkero vındero, wu xora zof hezkeno
domano de kaykero.
baqıl. kewra senem ma hexkena hala mara vace, töde zof kaykeno yo
domanode?, tôra zof hezkeno yo domanora?.
senem. ma ne kewra çıtoqe ame hesabê xo hen keno, ez çı zonon eyra
perske.
xece. ne oro heşbe sırê laQono,kewray vêşoni, tı Qe nê Qefela?
kıncone xo buvurne şo oda, lâQone xo peydo bıke.
senem. ma ne kewra tı vace hala tı domanora zof hezkena yo xecera?
baqıl. ne kewra senem ma nê verdana qê ez cıra hezkeri,manê xo zofi
ya vana doman eşnene, ya Qefeliya, ya hewnê xo yeno, ma ezik
se keri xore şon domanora hez kon, ino kon hewn yon qe xêce şa
hewnra.
senem. ma tı raşt vana kewra, ma pêro hênênim, kare cênö nê qêdino,
hatta kar bıQediuw hewnê ma yeno, hona hewnê domano nê amo
ma şöm hewnra, xorê hewno veneym, maqe hewne rındêk di xorê
pê xecelim.
baqıl. kewram tö ma pêrine verra Qese kerd, ez indi savaci,tı dörxu
vana.
xece. ero beso ındi şö oda qe ma sıfre ronim, vatena xo tenê peydo
vacê.
baqıl. mabı xerdi kewra rıza, tı xer ama, çımanê mıserde ama, şıma zof
kewtêra ma viri.
rıza. xêr Qebulbo, tıki xêr ama, ma wağte kariuw beş nêkim bêm,
ma ancax yetür kerd.
baqıl. doman senêni pêro rındi? ma tö senêna?, ça tey nê arde, kewta
ma vir, endi çı esto çı çinuw, dero ciran, mal mul weşo?.
rıza. kêdêr çino şuqur, pêroqi rındi wêşi, maye qi domano sero verdê
ma çıto dömano teyna ca verdim?, tı sekena çı haldera, zof
Qefelina?, mal mulê tô weşo?.
baqıl. zof şuqur na satê kêder çinuw xore kaşbeym, şıma xêle waxto
amey Qe non werd yo?.
rıza. ne ne ma hona bim vêşon, ma dı satiw qe ameym ,kewram marê
Qewa vıraştê, waxtê noni hona ame, naca çê maw eqe vêşonbim
nonê xo cêm wêmê, seqê ma meymanim?.
zöre. maye mı bıne lacek vurna kerd pak, kıncı vurnay, mı deste xoqi
şüti.
xece. ne çenam tö nê pero teyna kêrdi?,aferim töre tı zof bâ çêrê,
haydê ney bere rafi ma sıfre bame.
zöre. gule, ney pecı ma pâ rafim nafaqi şim sıfre bâym rönim.
gule. bıde, naca rafim, nâ rındo, ez sıfre teyna an tı lewê lacekde
vınde.
gule. mae ez fıfre beri röni indi?
xece. bere bere çênam, xonça bere rone, kursö ronê bê dö bere,
ma nıqa tö dıma yem, pêro hazıro.
xece. senem tı lengeri bıci bere, ye bino az an, ron vılöşarô, gule qi
bêro dö bicero ma pâ yem.
xece. hayde gulê nê döy bıci ma bêym.
xece. senem hala bici ne döy tı cıke, şıma çıtô hez kenê? roni qi tı
cıke, ez nêzonon çıQay cıkeri.
senem. nıqa tı qebaninê dana mı, ma bıde xora na qebani kewta miwir,
Qe wistüram qêbani ne kesrê nê werdana, dö ez şanon
rön a şuna sole kena dana are.
senem. dı bêrê rönişe.
xece. dı keremkerê, ma xêrê senemê kêrd hazır, Qusurê mıde sêr meke kewra
rıza, mı tı veşon verda, kewray tö herey amê.
rıza. bısmıllay
baqıl, bısmıllay, ister ebe becqo, ister ebe qocqo borê şıma zonenê,
çıtoqe yeno işta şıma hin bikere, çene ne şıma ebe qocqo bore,
bısmılay kere qe şıma mırdbe.
rıza. demişe çeno mebe kewra rıza, çenê tö zof hewli, dest ri xo çıQay
paqi,rındeqi, heQ şımare we daro.
baqıl. halla halla, heQ töra razibo kewra, kewra senem beluw qe
destê tö gınô cı zof weşo.
xece. ne low destemı weş niuw tı sa vana?.
rıza. neçe destê tö hemu roce weşi, Qa ama meQari ez tene kewra senemê
bı gôyni.
xece. tı mı bıgôyne, va seneme qi kewra rıza bıgôyno.
rıza. xece Qe merx meke, nö kewra rıza töra zof hez keno, heQ mekero
eqe tı mebe nö beno xeğ kunora kowu, ze keremi veşeno beno wêlê.
xece. heya heya kewra rıza, nö senê keremô qe Qe beli nêkeno.
rıza. nê êrê çıtö belu keri, hona ez nekewtô cıle tı şöna hewnra.
xece. wiylemınê xozibê mı, ma tı teyna cılede belü kena hezkerdana xo
aybô aybô, lêwê kewra o de qeso qe kena, Qa ye mara pili bışermayi.
senem. ne xece ça bışermyuw, hezkerdenara şermayi bena?, nö kewray mı
töra he zkeno, hemu cade qi vano, heze xo eşkera keno.
rıza. ne senem ez töra dızdâ hezkon?, tö ça hin va?.
senem. ma ça mevaci? mı Qe nê eşnoqe tö lewe kesde vato ez töra hez kon
rıza. nere nıqa von ez töra hezkon heQbo.
senem. nıqa sir sero çefe tö amo cöqa hez kena, Qe mı hetta nıqa ne eşno
qe tö va ez töra hezkon.
rıza. ere inkar meke pırnkone töra yeno.
senem. wuylemıne! yemı pırqone töra yeno yô ye tô?.
baqıl. ne ne senem, ez kefilo, kewraymı töra zaf hez keno, tım vano.
xece, senem eziqi kefilo hQbo rıza töra zof hez keno.
senem. ma gunade vıle şımade bo, şımaqe hen vane eziqi Qebul kon.
rıza. hala beso, ez bâ mırd, duway sıfrê cıdi, heQ gebulkero, sıfre
şıma pırkero, şıma Qe çinayşi mevênê, zav zeçê şıma weşbo.
rıza. halla halla.
xece. halla halla.
senem. halla halla.
domani hire mena. halla halla.
rıza. kewra baqıl tı mıde sermeke, ez ne Qefelô mı taşta xo werde
kewtora raye.
baqıl. kwra senem, xece, deste şıma weşbê, xecam sıfre wedare, mare
çay serde.
baqıl. gule çenam tıqi şô çi kutqi vıraze kutqi mırd ke mekerê xo virra,
çi kutqi serdın qe hona cıde, hayde çenamı. xece pi mı bızeqi ardi?,
tö ça weng neda bero zere sir bôro?.
xece. ma ez zerede bi çenora vato ez şon peydo ebe deqa şıma yem,
nıqa waxto bêrê.
rıza. ma ne çene hem bzeqo bıçırayno hemiqi sir mewero coro hen beno?.
xece ma ez sekeri mı nedi,Qa meyman niuw?,gereqe bexo bêro, çenora
vato sertene mı pak niuw, coqa neamo zere....xıdır
DEWA XECE
zaza,dewê, domani,pili,
Kategori:
Bunları Okudunuz mu?
Hapishane Edebiyatı
Ümüş Eylül Hapishane Dergisinin 51. Sayı...
Tekirdağ Cezaevi tutsaklarınca elle yazılıp mektuplarla dağıtılan Ümüş Eylül Kültür-Sanat dergisinin Nisan-Mayıs-Haziran 2024 tarihli 51. sayısı...
TEK KİŞİLİK HÜCREDE YAZILAN BİR ÖYKÜ: DE...
Mahallenin kimi çocukları ondan hem korkar hem de onunla uğraşmaktan vazgeçmezdi kargalar...
Duvarları delen çizgiler
Balıkesir Burhaniye yakınlarında yaşayan arkadaşlara davet. 10 Aralık'ta Insan hakları haftasında, Burhaniye Yerel Demokrasi ve Insan Hakları Gündemi...
Konuk Yazarlar
"BİZ BAŞKA TÜRLÜ SEVERDİK BİRBİRİMİ...
Derken, Galata Yokuşu'nun oralarda, yeni kurulmuş bir ajansta iş buldum. Burada getir götür işlerine bakacak ve Tünel'den başlayıp, Levent'e...
Mivan’ın bakışı Bahri’nin ağıdı/ Uğur YI...
Neyse bir ihtimal dedik, başladık isteklerimizi sıralamaya: “Bahri arkadaş sen kuzeninin çok güzel saat yaptığını…” daha sözümü bitirmeden, “...
Utanmak/ Sıdo için/ Sevda KURAN
Fakiri, zengini, orta hallisi, Alevi’si, Sünni’si, Ermeni'si, hacısı, hocası, orospusu, delisi ve de pavyon kabadayıları, sarhoşlarıyla...