Bir zaman gələcək peşimançılıq,
Sənin ürəyini qübar edəcək.
Onda məni gəzib arayacaqsan,
Yollar ayagğını qabar edəcək.
Mən isə gileyli gilavar olub
Sığal çəkəcəyəm telinə sənin.
Bu günlər vədəsiz ötən qatar tək,
Çətin ki qayıda əlinə sənin.
Qoşulub qəlbinin harayına mən,
Gözündə bulud tək qaralacağam.
Ömrünün şaxtalı qış dönəmində,
Qara saçlarında qar olacağam.
Azerbaycan. Quba.
1983
2. ƏLLƏRİM BULAŞIR GÖZ YAŞLARINA.
Dəyişən bir sənsən, birdə ki zaman,
Yerdə həmən yerdir, göy də həmən göy.
Sənin bu dünyayla işin olmasın,
Yetər, deyindiyin arxasınca hey.
Bir damla göz yaşın sonda ölən köz,
Dilinlə gor eşmə ürəyim də sən.
Dünən sevincimə şərik olan, qız,
Bu gün kədərinlə ürəyimdəsən.
Əllərim bulaşır göz yaşlarına,
Alın yazısıdır- göz yaşı deyil.
Qucub dizlərini hönkürmə belə,
Dizlərin eşqinə baş daşı deyil.
Abdulla Memmed.
Azerbaycan. Quba.