Vana; tı ke huyına
roz vêcino....
tirijia tiji mı sero kêmi nêbena
teyna çımê mı....
çımunê to de şêvq vineno
xo ser jü çiçega narina
pakaê to keş ra çino.
Vana; tı ke qeseykena
na dina bena ê mı
a sene zerretenıkia
çekuyunê to ra
hêmgen rêzeno
zerria mına bele de
taxt nana ro....
tı vana, omnono.
Vana; tı ke nusnena
qusır barkeno sono
qıseweta ....
hardê dewreşi çina
asmên pakao
omıdi rewıyinê
may huyinê
domoni kayderê
tı vana, sırrê na dina
to de wederdaiyo.
Vana; esq
tım lawıku de çhêro
dest esto kherrıke
tey vengê mıno, tüyo
şirênia haskerdene biya têra
jübin rê pızırime ra
ez Mecnun
tı Leyla
ez Ferhat
tı Şirina.
- 2016
Kategori:
