Şiir

gundu ra rezeno, yeno
honde tarıxê insoni khano
vengê hazar kemanu de
arzu u umıd, esq u sewda
beno ğeyal saninowe
se rae keno to ver, foteşina
ge ki pinıten u virkotene u dıma hêştıro.
 
Şiir....
jê vaê Usariyo
sat u deqa cı rê çino
sevkano
şindor tede nêkeno
beno laşêr
bendu saneno xo ver
ge ki jê pakaê asmêni ğaiso.
 
Şiir....
derd u khulo
niseno zerri u pıske ra vêsneno
xapino, qanqola serê aweo
tersoneko, mırozıno
vengo de sasbiyaiyo
jê welato ke.....
ge sanino pê ge ki rıjino.
 
Şiir....
sewqê weşiye, dısmênê tariye
sewelete hewınunê xori rê balışna nerme
parsoğu rê khınc u kholê newe
jê awa zelale rengê xo
fel u emel u fıkıro
vicdano....
verva nêheqiye
ezune
tüya
uyo
her inson jü şiiro.