Ağ Günlükleri

Warê min warê gulan e
Germa min germa dilan e
Derdê min nav de giran e
Wek keştîya ser pêlan e

Dîsa xema min carî bû
Gula şaxê min venebû
Ez ber derdê xwe digîrîm
Bilbila min ba min nînbû

Kezeba min ji kûr xwîn bû
Dilê min perçe perçe bû
Ez mexdûrê van şevanim
Dîsa roja min venebû

Dikim, nakim qet ranabim
Bi rojan e tu pak nabim
Hêvîyên min helweşîyan
Vê dilê bengîn şên nabim

Bi rojan e derbederim
Mina Kerem dil keserim
Lehî, agir ji tufanê
Ez nikarim rabim herim

Xweş dimeşî bi serê xwe
Te kil lêdaye çavên xwe
Dêmên te de gul vebûn e
Te xêlî daye serê xwe

Serdilka min werê ba min
Bişirînê xwe bide min
Bejnûbala te xweşik e
Bibe bûka dayîka min

Min dilê xwe te re vekir
Nav de te re qesrek çêkir
Dirêj bike her destên xwe
Min firşê xwen te ve geşkir

Bêhna te wek bêhna gulan
Germa te wek germa dilan
Ez dixwazim were ba min
Dil bikî min bike talan